જાહેર સૂચના

ગુજરાત ઔદ્યોગિક વિકાસ નિગમ (GIDC) દ્વારા સમગ્ર રાજ્યમાં તેના દ્વારા સ્થાપવામાં આવેલ ઔદ્યોગિક વસાહતોમાં ઉદ્યોગકારોને પ્લોટ ફાળવવા માટે સરળ ઓનલાઇન અને પારદર્શક પધ્ધતિ અપનાવવામાં આવે છે. જે અંગેની વિગતવાર માહિતી નિગમની વેબસાઇટ તેમજ રાજ્ય સરકારના ઇન્વેસ્ટર પોર્ટલ પર ઉપલબ્ધ કરાવવામાં આવેલ છે. GIDC ખાતે પ્લોટ મેળવવા માંગતા ઉદ્યોગકારો નિગમની અધિકૃત વેબસાઇટ કે કચેરી ખાતેની હેલ્પ ડેસ્ક મારફતે આ અંગેની વિગતવાર માહિતી કે સહાયતા મેળવી શકે છે.

ગુજરાત ઔદ્યોગિક વિકાસ નિગમ (GIDC) દ્વારા કોઇ પણ વસાહત ની પ્લોટ ફાળવણી માટે કોઇ પણ ત્રાહિત વ્યક્તિ કે એજન્સી ને અધિકૃત કે એમપેનલ્ડ કરેલ નથી. આથી કોઇપણ વ્યક્તિ કે એજન્સી દ્વારા નિગમની વસાહતો ખાતે પ્લોટ ફાળવણી કે અન્ય કોઇપણ પ્રકાર ની કામગીરી કરી આપતી હોવાની જાહેરાત કે પ્રચાર ભ્રામક અને ગેરમાર્ગે દોરનારી હોઇ શકે છે.

ઉદ્યોગકારો દ્વારા આવા કોઇપણ શખ્સ સાથે કરાયેલ આર્થિક વ્યવહાર નુક્શાનકારક સાબિત થઇ શકે છે. જેથી આવી ભ્રામક જાહેરાતો પરત્વે પૂરતી સાવચેતી રાખવા નિગમ સર્વે ને અપીલ કરે છે. તેમજ આવા કોઇપણ વ્યવહાર અંગે ગુજરાત ઔદ્યોગિક વિકાસ નિગમ ની કોઇ જવાબદારી રહેશે નહી તે અંગેની જાણ કરવામાં આવે છે.